MADC EM atan mi paruk la lut

Mara Autonomous District Council (MADC) sorkara executive member (EM) atana ruat thar mi parukte chu, nimin khan MADC Forest Hall-ah Lawngtlai DC-in rinawmna thu tiamtirin a la lut.

EM lak luh inkhawmah hian CEM N Zakhai, opposition leader HC Lalmalsawma Zasai leh Siaha District Congress Committee president S Hiato ten thu an sawi a; MADC-ah hian executive member pariat an awm thei a ni.

S Hiato chuan, EM post pariat awm mah se, post dang pakhat leh nominated seat pakhat an dil belh leh mek thu a sawi a, "EM post kan dil belh hi a hlawhtlin chuan rei lo teah EM atana ruat thar tur mi pathumte'n thutiam an lak leh thuai ka beisei," a ti.

MADC EM tharte

Hming Department chan

K Hrahmo Education (Fianancial matter-ah CEM a pui ang)

MH Tiabi LAD, PHE

K Chhuabei PWD, I&P

VVB Byhna RD, Transport

KH Beihlo Agriculture, Horticulture & Minor Irrigation

FC Lawmkima Forest, Fisheries