MPF-in Champhaiah beihpui an thlak

Mizoram People Forum (MPF) chuan Cham­phai district-ah beihpui an thlak ṭan. May 20, Inrinni khan Champhai Vengtlang Presbyterian Kohhran centenaray hall-ah 'Good governance leh political education' tih thupuia hmangin seminar an buatsaih.

Seminar thupui hi MPF general secretary Rev.Dr R Lalbiakmawia'n a sawi a; chak zawk leh ṭha zawka MPFkalpui dan tur leh kum 2018 MLA inthlan huna boruak thianghlim a awm theih dan turte sawiho a ni bawk.

Champhaiah hian MPF General Secretary bakah, adviser K Sap­danga leh Synod revi­val speaker pahnih Lalhruaimawia leh H Lalṭanpuia te an kal a; Champhaia MPF District Forum-te kaihhruaina hnuaiah May 20 leh 21 zan khan kohhran hrang hrangah beihpui an thlak chhunzawm a ni.