Horticulture Minister-in Horti Fair a hawng

Horticulture depart­ment chuan, nimin khan Assembly Annex building chhawng hnuaiah Horti Fair 2017 an buatsaih a, Horticulture minister PC Lalthanliana'n a hawng.

Assembly Annex con­ference hall-a a hawn­na inkhawmah PC Lal­than­liana chuan, tum mumal leh fumfe tak neia thawhrimna, taimakna leh rinawmna vawng reng chunga hna thawh a ngai tih sawiin, "Sorkar lam aṭanga beisei nei ru reng chunga hna thawh hi kan bànsan a hun tawh," a ti.

Horti Fair 2017-ah hian theme atan ‘Doubling Farmers’ Income’ tih hman a ni a; thlai, thei leh pangpar ṭhahnem tak pho chhuah niin, May 26 thleng neih a ni ang.

Horti Fair hi kum 2013 aṭangin kum tin neih a ni a, tun thlenga Horti Fair aṭanga sum hmuh chhuah zat chu cheng nuai 104.44 vel a ni.