Leimin chungchang zirho
Geology & Mineral Resources (GMR) department, Pachhunga University College (PUC) leh Geological Society of Mizoram-te chuan nimin khan PUC Seminar Hall-ah leimin chungchang zirhona, 'International workshop on sensitization of landslide hazard in Mizoram' an buatsaih.
Workshop-ah hian Geological Society of India (GSI), IIT-Dhanbad, Lettis Consultant Internation leh GeoHazard International-a mithiamte'n thil pawimawh leh ṭul hrang hrang an sawifiah a; Hunthar Veng leh Rangvamuala lei tawlh ṭhinte chu a hmunah kalchilhin an zirho bawk. Workshop hi vawiinah chhunzawm a ni ang.