Naupang 37 sponsorship pe

Mamit District Child Welfare Committee (MDCWC) chu nimin khan Mamit additional DC H Lianzela hoin DC conference hall-ah an ṭhu a; kuminah naupang 37 hnenah sponsorship pek a nih thu tarlan a ni.

Mamit district-a Child Welfare Committee (CWC) chairperson H Darhmingliana tarlan danin, sorkar kum liam taah khan thubuai 109 (mipa 53 leh hmeichhia 56) ngaihtuah a ni a, chu'ng zinga 107 chu chinfel hman a ni. Sorkar kum kal mekah naupang chhawmdawl ngai mi 37 hnenah sponsorship pek a ni.

Meeting-ah hian, police lamte nena thawhhona ṭha zawk neih theih dan kawng ngaihtuah a ni a, inbiakpawhna ṭhat tawk loh vanga case pending a awm thu an sawi lang.

Mamit district CWC chuan, an district-ah children home puitling a awm loh avangin harsatna an tâwk tih a tarlang a; home puitling an neih theihna atan thuneitute hnenah thlan an tum.

Tun dinhmunah Mamit district-ah hian shelter home pakhat, observation home pakhat leh specialised adoption agency pakhat a awm a ni.