Champhaia buaina thleng sawiho

Champhaia NGO-te'n doctor pek an phût vang­a buaina thleng chung­chang chu, nimin khan Champhai DC Vanlal­ngaihsaka hoin DC conference hall-ah sorkar official leh NGO hruaitute'n an sawiho.

Champhai DC chuan, tun hnaia doctor ngiat vanga thil thleng chu pawi a tih thu a sawi a, "Doctor leh nurse-te chu mi tin mamawh an ni a, dil pawh a thiang. Sorkar chu mipuite tan a nih angin mipuite pawhin kan mamawh thlen chu kan tih tur a ni. Sorkar­a thil ngiat dan ṭha lo tak, sorkar bungraw tih­chhiat ang zawnga chet hi thil ṭha a ni lo. Sorkar bung­rua tihchhiat hian a tuartu ber chu mipui tho an ni," a ti.

Khua leh tui ṭha ni tur chuan sorkar laka mahni chanvo chauh ni loin, tih tur leh mawhphurhnate hriat tel a ngaih thu sawiin Vanlalngaihsaka chuan, tun hnuah chuan sorkar hnena thil dil leh dawn pawhin rilru fím tak pu chunga hma la turin NGO-te a chah a; sorkar bungrua/inte chu mipuite ta a ni tih hre reng a, a humhalhtua ṭang zawk turin a chah bawk.