KHAWTHLIR

Assembly session
Vawiin chawhma dar 10:30 hian ni khat awh tur Mizoram Legislative Assembly session neih a ni dawn. Session neih chhan tur ber chu The Mizoram Goods & Services Tax Bill, 2017 leh a kaihhnawihte ngaihtuah a ni a, hei bakah hian thil pawimawh ṭhenkhat tih tel a ni ang.

Tui metre endik
Legal Metrology department chuan, nimin khan Serchhipa tui meter zuartute'n meter an zawrh an endiksak a, a ṭha lo eng emaw zat an hmu a, chu'ngte chu mipui hnena hralh chhuah tlak loh a nih avangin an lakna hmunpui lama thawn let turin an hriattir.

Mock drill
Disaster Management & Rehabilitaion department leh Kolasib DC office chuan nimin khan Kolasib khawpui chhung hmun hrang hranga chhiatrupna a thlen thulha insaseng dan tur leh chhanchhuah hna thawh dan a taka entirna, 'Mega Mock Drill' an buatsaih. Mock drill hi National Disaster Response Force leh State Disaster Response Force-ten an telpui a ni.

Hnathawh enfiah
Parliamentary secretary (Higher & Technical) H Zothangliana chuan nimin khan RUSA hnuaia hmalakna, Lunglei College-a boys hostel leh auditorium sak mek leh, J Buana College-a class room sak mek leh computer zirna (CCC) hmunte a enfiah.

NLUP sem
Commerce & Industries department chuan, nimin khan Chanmari YMA Hall-ah an department hnuaia Aizawla NLUP dawngtu mi 210 hnenah ṭanpuina an sem a, minister R Romawia'n a hmanpui. R Romawia chuan, NLUP hnuaia hma la ṭhate tan NEDP kaltlangin kawng sial a nih dawn thu a sawi.

Vaihlo man zat
Lawngtlai District Anti Tobacco Squad chu Thawhlehni khan Lawngtlai DC conference hall-ah an ṭhukhawm a, kumin April aṭanga tun Thawhlehni thleng khan squad drive ṭum li neihah dan phal loha vaihlo leh a kaihhnawih zawrh Rs. 60,000 hu man a nih tawh thu tarlan a ni.