Ram dang siam meizial man a ni

Mizorama district hrang hranga Anti Toabcco Squad-te leh Legal Metrology department leh Police-te chuan, nimin khan an district khawpuiah squad drive an nei a, dan loa zawrh vaihlo leh a kaihhnawih thil eng emaw zat an man.

Aizawlah chuan squad drive hi Mission Veng Bazarah neih a ni a; dan loa ram dang siam meizial (cigarette) hrang hrang - Variant packet 15, Farstar packet 15, Winbody packet 15, Hummer packet pali leh Marlboro packet 12, a vaiin packet 61 an man a, Rs. 4,470 hû a ni.

Lungleia Legal Metrology department, Anti Tobacco Squad leh police-te pawhin Lunglei khawpuia dan loa ram dang aṭanga lak luh meizial zawrh dap beihpui an thlak leh a, dawrkai 11 aṭangin Farstar carton 13, V cigarette carton 17, S10 cigarette packet 8 leh Shikhar eng emaw zat an man.

Siahaah chuan vaihhlo leh a kaihhnawih zuarte enfiah a ni a, dan bawhchhia mi paruk manin, pawisa an chawitir. Mamitah erawh chuan dan bawhchhia man tur an hmu lo a, Serchhip ATS chuan tuibûr siamna (factory) an tlawh a, dan bawhchhia man an nei lo.

Meizial an mante hi a báwma inziak tur - a man zat (MRP) leh, a siamtu leh an address (manufacturer name & address) inziah loh vanga Legal Metrology Act 2009 hmanga man a ni.