Zirlaite hriselna ngaih-tuahtute an ṭhukhawm

Champhai district chhunga sikul naupangte hriselna ngaihtuahtu, Convergence Committee on School Health Programme chu nimin khan DC conference hall-ah an ṭhukhawm.

Meeting kaihruaitu Vanlalngaihsaka, Champhai DC chuan, School Health Programme chu department hrang hrang kaihhnawih a nih avangin, tihlawhtling turin thawhhona ṭha a pawimawh thu a sawi.

Meeting-ah hian thi­sen tlakchham venna damdawi, weekly iron folic acid supplementation leh rúlhût damdawi chu sikul naupangte hnenah a hun taka pek an nih theih nan, a sem kawnga harstana hrang hrang awmte a sutkian dan tur an rel a ni.

Ruahmanna siam dan chuan, damdawi sem kawngah SSA Block Resource Coordinator (BRC) leh Cluster Resource Coordinator (CRC) ten block leh cluster level-a damdawi lak leh sem kawngah mawhphurna an la dawn a ni.