Ṭhalaite tan sorkarin hma a la zel - R Lalzirliana

Kolasib MZP chuan nimin khan Parish Hall, Venglaiah kumin HSLC leh HSSLC exam-a ti ṭhate chawimawina hun an buatsaih a; khuallian, minister R Lalzirliana chuan, ṭhalaite chawikanna atan sorkarin hma a lak zel thu a sawi.

R Lalzirliana chuan, zirlai tiṭha chawimawite chu hlawhtlinna duhawm tak an neih zel theih nan thawhrimna leh taimakna nen hmalam pan turin a fuih a, "In hlawhtlin leh tlin loh chu nangmahni invawn dan leh zir danin a hril dawn a ni," a ti.

Zirlai chawimawite hi HSLC leh HSSLC exam-a distinction leh first division-a pass mi 96 te an ni a; chawhnu lamah awareness campaign an nei nghal.

Chawimawina in-khawm zawhah Home Minister hian Kolasib MZP hruaitute a kâwm a; Kolasib aṭang doctor sawn chhuah, ITI sakna hmun tur leh higher secondary school chung-changte a sawipui.