KHAWTHLIR

PUC Grad Dinner
Pachhunga University College chuan nimin tlai khan an college auditorium-ah zirlai kal chhuak turte thlahna zanriah, 'Grad Dinner 2017' an buatsaih a, principal Dr Tawnenga'n zirlaite thlahna thu a sawi. PUC-ah hian Arts, Science leh Commerce-a zirlai chhuak tur 595 an awm a, chu'ng mite hnenah chuan an department zirtirtute'n ngaihhruihna an pe vek a ni.

Lusún khawhar
Mizorama mimal enkawl damdawi-in hmasa, Greenwood Hospital dintu Dr Lalbuatsaiha Ralte (79) h/o Zirtiri Vanchhawng chu nimin zing dar 3:30 khan pneumonia natna vangin a thi a, nimin vek khan Zarkawta an inah vui a ni.

Generator pe
Chief minister Lal Thanhawla te chhungkua chuan, an fapa Lal Thanzauva (L) hriatreng nan May 24, Nilaini khan Thenzawl damdawi-in (CHC)-a hman tur generator lian an pe. Generator hlanna inkhawm hi Thenzawl CHC-ah neih a ni a, CM tupa, Remtluanga'n Thenzawl CHC medical officer Dr Remlalnghaki hnenah a hlan. Generator hi cheng nuai 4.9 man a ni.

Theihai lui lei
Canara Bank-in corporate social responsibility (CSR) aṭanga an siam, Ramthar Veng leh Armed Veng inkara Sihpui lui chunga kea kalna lei (foot bridge) an siam thar chu May 24, Nilaini khan hawn a ni. Lei siam nan hian Canara Bank chuan Rs. 10,82,000 an seng.

Proficiency award
St.Paul's Higher Secondary School chuan, nimin khan an sikul auditorium-ah St. Paul's HSS Proficiency Award 2017 hlanna inkhawm an buatsaih a; Mizoram University registrar C Zothankhuma'n a hmanpui. Kumin HSLC leh HSSLC-a an sikul aṭanga top 10-a langte leh subject-a topper-te hnenah award an hlan a ni.