ZNP-in sawifiah turin MNF an phût

ZNP ṭhalaite chuan thuchhuah siamin, MNF party chu nationalism kalpui an tum dan sawi chiang turin an phût.

ZNP ṭhalai thuchhuah chuan, Manipur Assembly-in tlang mite tana harsatna thlen thei bill pathum a pass duh loh lantirnaa kum 2015-a thi mi pakuate May 24, 2017-a vuinaah Mizorama political party-te chu tel tur leh, an tel theih loh chuan thuchah (message) thawn tura ngen an ni tih sawiin, party dang hruaitute'n message an thawn vek laiin, MNF president Zoramthanga'n a thawn ve lo niin a tarlang.

ZNP ṭhalaite chuan, MNF party an ngawi bik chu mak an tih thu sawiin, Mizo nationalism kalpui an tum dan sawi chiang turin an phût a ni.