Kawlphetha chungchang sawiho

Nimin khan chief minister Zoramthanga hoin Chief Minister's Office-a Cabinet room-ah Power & Electricity minister R Lalzirliana leh department hotute'n Mizoramin kawlphetha a lei ṭhin chungchang an sawiho.

Ṭhutkhawmah hian Mizoram sorkarin power company hrang hrang aṭanga kawlphetha a lei dan te, sum sên dan leh an thawhho hun chhung turte sawiho a ni a; kawl­phetha siam chhuahna tura ruahmanna awmte sawiho a ni bawk.

Kawlphetha mamawhna a sang zel a, a leina atana sum sèn pawh a tam zel avangin man tlawm zawka lei theih tur zawn a pawimawh thu sawi a ni a, "Kawlphetha siam chhuah kawngah environment friendly zawk ngaih pawimawh tur a ni," an ti.