MFA-in hlawhtlinna an chan an lawm

Mizoram Football Association (MFA) chuan nimin khan R Deng­ṭhuama Indoor Stadium, Mualpuiah tun hnaia hlawh­tlinna hrang hrang an chan an lawm a, Gene­ral Body Meeting an nei nghal.

Hlawhtlinna lawmna hun hmanpuitu, minister Lalsawta chuan, sorkarin infiamna hmunhma hrang hranga buatsaih hmang ṭangkaia ṭhalaite'n hlawhtlinna an chang chho chu lawmawm a tih thu a sawi.

Lalsawta hian MFA lehkhabu buatsaih, football a hlawhtlinna hrang hrang tarlanna a tlangzarh.

MFA-in hlawhtlinna an lawmte chu - National sub-junior champion, Khelo India champion, Na­tional junior-a pahnih­na, Santosh Trophy semi-final, Capt. NM Football-a champion leh I-League-a Aizawl FC an champion-te a ni.

Chawhma lamah General Body Meeting an nei a; MFA president Lal Thanzara chuan, "Tun season-a hlawhtlinna hrang hrang kan neihte hi football chhungkua, zone leh district-te leh MFA anga kan zavaia ṭanrualna rah a ni," a ti.

MFA honorary secre­tary Lalnghinglova Hmar chuan MFA hmalakna hrang hrang a tarlang a, "Kumin hi Mizoram football tana golden year a ni," a ti a; Indian national team hrang hranga Mizo ṭthalai hmuh tur awm rengte chu football-a Mi­zote hmasawnzia lantirtu a nih thu a sawi.