MZP-in doctor an dang

Mizoram sorkarin Kolasib District Hospital aṭanga Serchhip DIstrict Hospital-a awm tura a sawn Dr Zothansanga Zadeng chu MZP head­quarters, Kolasib-in a chhuah an phal lo a, Kola­sib a chhuahsan lohna turin a chenna inah an vil mek.

Kolasib aṭanga thu dawn danin, surgeon Dr Zo­thansanga hi Serchhip damdawi-ina awm tur hian May 18, 2017-ah transfer order tihchhuah a ni a; hei hi duh loin Kolasib MZP chuan transfer order chu sût turin sorkar an ngen bakah, Dr Zothansanga pawh Kolasib chhuahsan lo turin an ngen a ni. Transfer order hi nimin thleng kha chuan sorkarin a la sût lo niin thu dawnna chuan a sawi.

Kolasib MZP chuan Dr Zothansanga'n Kola­sib a chhuahsan leh chhuahsan loh an thlithlai reng a, damdawi-ina a duty zawhah a chenna in lamah an an vil zui ṭhin a ni.