CYMA-in ukil rawih man Member-ah khawn an rel

YMA Central Exe­cutive Committee (CEC) chuan, Bru pawlte Su­preme Court-a an zual­ko vanga Supreme Court-in insawifiah tura YMA a hriattir chungchangah, a ṭul dan azirin ukil rawih man YMA member-teah khawn an rel.

YMA CEC hi Ningani zan khan Central YMA Committee Room-ah an ṭhukhawm a, Supreme Court-a lehkha hmuh chungchang leh thil dangte an ngaihtuah. Supreme Court-a chhanna pek dan tur leh chhan lêtna tur point pawimawhte an sawiho a; ukil rawih man tur chu a ṭul dan azirin YMA member-tea khawn mai ni se, an tih bakah, thubuai zir chianga ruahmanna siam turin Sub-Committee an din a ni.

Central YMA chuan, Mizorama hnam dang, Mizo hming hawha sum­dawngte dap chhuah beih­pui thlak an rel bawk.