Cherhluna zirlai nu leh pate'n pawisa thawh khawma ziritrtu 2 rawih an tum

Cherhlun High School, sorkar sikula zirlai nu leh pate chuan zirtirtu an indaih loh em avangin pawisa thawh khawm a, zirtirtu pahnih rawih belh an tum.

Cherhlun H/S-a zirtirtu te, zirlaite nu leh pate chu nimin zing khan an inhmukhawm a; an khaw H/S-ah zirtirtu pahnih, a ngheta thawk pakhat leh RMSA hnuaia thawk pakhat chauh an awm avangin, pawisa thawh khawma zirtirtu pahnih rawih belh an rel a ni.

Hemi chungchangah hian MZP sub-headquarters, Cherhlun chuan thuchhuah siamin, an khaw H/S-a zirtirtu pa­hnih chiah an awm chu pawi an tih thu sawiin, "Zirtirtu indaih loh lutuk vanga zirlaite'n lehkha zir kawngah harsatna an tawk nasa ṭhin hi pawi kan ti hle a ni," an ti a; Mizoram sorkar chu a rang lama zirtirtu dah belh turin an phût.

MZP tarlan danin, Cherhlun H/S-ah hian zirlai 70 an awm mek a ni.