Tui harsat loh dan tur sawiho

PHE minister Zodintluanga chuan nimin khan a pisaah PHE department hotute kâwmin, Aizawl khawpui chhunga PHE tui connection aṭanga tui pek chhuah dan leh mipui harsatna chinfel dan tur a sawipui.

Zodintluanga chuan, nipui lai chu chhungkaw tinte tui mamawh tam zual lai a nih avangin tui sem hna vil uluk a ṭul thu a sawi a, "Rualkhai zawka tui sem a nih theih nan thawktute chu hotu lu aṭanga a hnuai lam thawk thlengin inpawhtlang taka ṭan mar pat a ngai. Veng ṭhenkhatah kar khat chhunga tui vawi khat pawh dawng lo an awm tih ka hria a, hei hi a rang lama chinfel thuai a ni ang," a ti.

PHE hotute chuan, PHE Minister hnenah hian tui pump chhoh tam lamah harsatna a awm loh rualin, sorkar hmalakna kal mekah pipe hluite pipe thara thlak a nih avangtein a sem kawngah an duhthusam lo lai a awm thu te, kar khata vawi khat tal veng tinah sem chhuah a nih ngei nan hmalak mek a nih thu te, a remchan dan angin SDO leh JE-te pawh an naute tui sem enfiahpui tura an kal chhuah ṭhin tur thute an sawi a ni.