SSU-in an din champha an lawm

Students’ Self Support Union (SSU) general headquarters chuan, Inrinni khan IPR Auditorium, Aizawlah SSU din champha vawi 32-na an hmang a; SSU hruaitute, HSSLC pass-te lawmpuina an hlan.

SSU din champha lawmnaah hian Aizawl khawpui chhunga higher secondary school hrang hranga SSU branch office bearer, HSSLC pass tharte hnenah lawmpuina thuziak hlan a ni a; SSU president PC Lalramengmawia'n thuchah sawiin, zirlaite chu an zirna atan mai bakah, an zir chhuah thleng pawha mahni intodelh tum turin a chah.

SSU May 27, 1985-ah din a ni a, zirlaite'n kut hnathawh chawisàn nachang an hriat nan leh mahni intodelh-na rilru an put theihna atana din niin, chumi kawngah chuan hma an la ṭhin a ni.