Luiah mi pahnih tla hlum

Inrinni leh nimin khan Tlawng, Reiek kai leh Mat luiah tuitla an awm. Mat luia tla ruang chu hmuh a ni tawh a, Reiek kaia tla erawh hmuh a la ni lo.

Nimin tlai dar 3:15 vel khan Lalawmpuia (19 vel) s/o Lalnunmawii, Leitan Veng chu Tlawng, Reiek kaiah a tla a, he thu ziah lai thleng hian a ruang hmuh a la ni lo. Lalawmpuia zawng hian mi ṭhahnem tak an thawk chhuak a ni.

Inrinni tlai dar 6 vel khan Lalawmpuia (16) s/o C Lalnghakliana, Serchhip Vengchung chu Mat luia Chawmkaiah a tla hlum. Thu dawn danin, Lalawmpuia hi a ṭhiante nen Mat luiah intihlim turin an kal a; a chesual lai hmu an awm lo a, a awmna chin hre loa an zawn hnuah a ruang hmuh a ni.