Sample 17,489 endik tawh

July 15, Nilaini thleng khan Mizoram aṭangin Covid-19 hripui vei leh vei loh finfiah nan swab sample 17,489 endik a ni tawh a, chu'ng aṭang chuan hripui vei mi 267 hmuh a ni tawh.

Mizoram sorkar re­cord tarlante aṭanga a lan danin, Mizoram aṭanga swab sample 17,489 endik tawhte chu - National Institute of Cholera and Enteric Diseases (NICED), Kolkata-a endik panga, Guwahati Medical College-a endik 12, Silchar Medical College-a endik 41, Zoram Medical College (ZMC)-a endik 16,762 leh Lunglei Civil Hospital (LCH) laboratory-a endik 669 a ni.

Swab sample endik aṭanga Covid-19 vei hmuh chhuah zat chu - Guwahati Medical College-ah pakhat, ZMC-ah 250 leh LCH labo­ratory-ah 16 a ni. July 15 tlai dar 5 thlenga Mizoram luhka hrang hranga screening point-a enfiah (screen) tawh zat chu 1,34,184 a ni a; rapid antibody test (RAT) hmangin mi 16,688 endik a ni tawh bawk.