Lirtheia chet-sualnaah mi 2 thi

May 28, Pathianni zan dar 7.30 bawr vel khan Lawngtlai AOC Vengah Maruti van-in nu pahnih a sû a, Laltlanzami w/o K Taipianga chu a hmunah a thi. Motor-in a sut pakhat dang Sangtei pawh Lawngtlaia damdawi-ina hruai a nih hnuah Pathianni zan khan Synod Hospital panpui nghal a ni.

Nu pahnih sutu motor hi ding mai loin a tlan tlang a, motor hi chu Lawngtlai Bazar Veng leh Chandmary inrinaah hnutchhiahin an tlanbo a; a hnuah man a ni. Lirthei khalhtu hi kum tling lo niin an sawi.

Pathianni zan vek dar 7 vel khan Aizawla Salem Veng aṭanga Venghnuai pan chhohna kawngpuiah taxi a chesual a, taxi-a chuang mi panga zinga pakhat, K Lalchhanchhuaha, Salem Veng, Aizawl chu damdawi-in panpui a nih hnuah a hliam tuar loin a thi. Taxi hi kawng chhoah tlan chhuak zo loin a hnung tawlh a, kawng aṭangin Venghnuai khelmualah a tla a; a chhunga chuang mi dang pali pawh an hliam a ni.