Zosaphluia Thlan

Mizorama Zosap missionary hmasate zinga mi, Rev. DE Jones (Zosaphluia) thlan, Wales rama Abergele Presbyterian Church biak-in hnunga mi chu tun hnai khan chei ṭhat a ni a, May 27, Inrinni khan hawn a ni. Rev. DE Jones-a thlan hi chei ṭhat a ngaih avangin, Mission Veng Kohhran-in chei ṭhat an dil a, Mizoram Synod, Abergele Presbyterian Kohhran leh DE Jones-a chhungte'n an phalsak. Thlan cheina tur Rs. 50,000 chu Mission Veng Kohhranin an tum a, a cheinaa tel turin an Kohhran secretary Upa Prof. Laltluangliana Khiangte a kal. Sum senso ṭul dang ṭhenkhat chu Rev. Anuerin Owen (Zolawma)-a'n a tum ve bawk. Rev. DE Jones-a thlan chei ṭhat hawnnaah hian Zosap missionary la damte leh an chhung te, Rev. H Sangkhuma, Rev. Z John Colney leh United Kingdom-a Mizo awm ṭhenkhatte an tel a ni.