Cyclone-in Mizoram a nuai thut thei Fimkhur turin mipuite hriattir an ni

Mizoram sorkar chuan thuchhuah siamin, National Disaster Management Authority (NDMA) aṭanga Mizoram Disaster Management Authority (MDMA) leh DMR Secretariat thu dawn danin, Mizoram chu cyclone 'MORA' in a nuai thut thei tih a tarlang a, fimkhur turin mipui a hriattir.

Sorkar thuchhuah tar­lan danin, cyclone MORA hian India ram state hrang hrang a tuam mek a, Mizo­ram, Nagaland, Mani­pur leh Tripura-ah chuan vawiin leh naktuk (May 30-31)-ah a rawn thlen rin a ni.

Cyclone hriattirna avang hian chi-ai lo turin Mi­zo­ram sorkar chuan mi­pui a ngen a, "Invenna leh fimkhurna lo neih tur a ni.

Ruahtui tam vangin leimin thei te, Sabereka Khuangkaih lakahte fimkhur a ṭul bakah, thlipui lakahte kan him theih nan inbuatsaih theih ang anga lo inbuatsaih tur a ni," a ti.

Cyclone vanga chhiatna eng emaw a thleng a nih chuan a rang thei ang berin Aizawl DC Office, District Emergency Operation Centre-ah hriattir tur a ni a; eng lai pawhin telephone no. 1077 / 2321119, 2317717, 708505834-ah hriattir theih reng a ni.