Kawng pengṭhuamah Mipui an ding - ZNP Vice President

ZNP vice president Dr Kenneth Chawngliana chuan, Mizoram mipuite chu kal ngaihna hre loin kawng péngṭhuamah an ding mek niin a sawi.

Nimina ZNP party pisaa inkhawmah thu sawiin, Kenneth Chawng-liana chuan, Congress sorkar chu tun hnaiah sawifiah zawh loh insawifiahna tur an ngah hle niin a sawi a, "Mizo Carbon Products, Labour Welfare Fund leh CAG Report chungchangah chauh pawh hian mipui min hmin zo lo. Sorkar hi a chau zawngin a kal mek a, damlo tawh sa, tuboha chhut hrep ang mai a ni,” a ti.

ZNP thuchhuah chuan, nimina an party pisaa inkhawmah hian voter 35 an lawm lut a, chung zingah chuan Republic Veng Local Council chairman ṭhin, tuna LC member ni mek T Vanlalruata pawh a tel niin an tarlang.