Lirthei kal dan tur sawiho

Food, Civil Supplies & Consumer Affairs (FCSA) minister John Rotluangliana hoin nimin khan a pisaah Tanhrila FCI Kudam chhehvela buhfai dah leh la tur lirthei lian kal dan tur sawiho a ni.

Meeting-ah hian, FCI Kudam bul kawngpuiah motor liante'n an buhfai phurh an hlanthlak ṭhin avang leh kawngpui sirah truck-te chu an hûn ṭhin avangin traffic jam a nasat phah ṭhin thu sawi a ni a; a sutkian dan tur hrang hrangte an ngaihtuah a ni.

Meeting chuan, harsatna a awm belh zel loh nan a remchang hmasa berah Parliamentary Secretary (Transport) hoin a hmunah enfiah ni se, an ti.

Meeting-ah hian FCSCA department leh UDPA department official te, Traffic Police hotute leh Mizoram University zirtirtu leh zirlai hruaitute an tel a ni.