Aizawlah Ola-cab a hnai

Aizawl khawpuia Ola-cab service lak luh dan tur nimin khan UDPA secre-tary Dr C Vanlalramsanga hoin a pisaah sawiho a ni a; Aizawl Municipal Corporation (AMC), UDPA leh Transport department hotute leh Traffic SP an tel.

Meeting-ah hian Ola lam aṭangin territory ma­nager Dibjyoti Hanse leh a hote'n Aizawla Ola-cab service kalpui an tum dan, mipuite tana a ṭangkaina tur leh awlsam taka mobile phone application hmanga taxi koh theih dan turte an sawifiah.

Meeting-ah hian Ola-cab service chu Aizawlah hlawhtling taka kalpui dan tur ngaihtuah a ni a, hmalakna tur hrang hrangte an sawiho a ni.

Aizawla Ola-cab ser­vice lak luh tur hi Traffic Jam Free Aizawl kalpui mek hnuaia UDPA department hmalakna a ni a, motor lei belh leh lak luh belh ngai loa motor awm sa hmanga kalpui tum a ni.

Thu dawn danin, Ola-cab hi December 3, 2010-ah Mumbai-ah din a ni a, khawpui dangahte darh zau zelin, khawpui 110-ah lirthei 6,00,000 chuang hmangin kalpui mek a ni.