Union Sports Minister-in CM hnenah khelmual tam zawk siamsak a tiam

Chief Minister Lal Thanhawla chuan nimin khan Minister of Youth Affairs & Sports Vijay Goel chu a pisaah a hmu bawk a; Mizorama infiamna tihhmasawn chungchang te, infiamna lama Mizoram hlawhtlinna leh infiamna ruhrel mamawh belh chungchangte a sawipui.

Lal Thanhawla chuan, infiamna tihchangtlunna leh tihmasawnna tura ruahmanna Mizoramin a thehluhte chu ngaih pawimawhsak a, tihfelsak turin a ngen a; Vijay Goel chuan, Lawngtlaia sports project (astro turf) thehluh chu tihfel a ni tawh tih sawiin, "Serchhip sports project pawh tihfel vat a ni dawn," a ti.

Vijay Goel chuan Saitual leh Mamita phûl lem phahna tur project-te pawh revised estimates-ah ngaituah a nih tur thu Mizoram chief minister hi a hrilh bawk a ni.