Thanzara leh Assam Health Minister-in Mizo zirlai thih chungchang an sawi dun

North East Health Minister Conference-a tel Health minister Lal Thanzara leh Assam Health minister Himanta Biswa Sarma te chu nimin khan Guwahati-ah an inkâwm a; tun hnaia Guwahati-a Mizo zirlai pahnih tun hnaia an thih chungchang an sawi dun.

Sorkar thuchhuah tarlan danin, Lal Thanzara hian a rang thei ang bera zirlai pahnihte thihnaa mawhphurtute man a, an phu anga hrem ngei a ṭul thu Assam Minister a hrilh.

Himanta Biswa Sharma chuan, zirlai pahnih thih­na chhui turin enquiry commission din ni tawh mah se, amah ngeiin theih­tawpa hma lain, Mizoram mipuite duh dan tihpuitlin ngei a tum thu a sawi.

Assam Health Minis­ter hian press mite a hmuhnaah pawh, Mizo zirlaite thihna chu pawi a tih thu leh man chhuah ngei an nih theih nan theihtawp a chhuah tur thu a sawi bawk.

All Assam Students Union hruaitute pawhin Lal Thanzara hi an hmu a; Mizo zirlai pahnih thih thuah Mizote an tawrhpui thu te, misualte man chhuah­naah theihtawp chhuaha a ṭul anga hma­lak an tum thute an hrilh a ni.