USA-ah Chapchar Kut

USA-a Mizote chuan May 27-28, 2017 khan Indiana state khawpui Indianapolis-ah Chapchar Kût an hmang. USA-a Mizote hian Chapchar Kût hi kum kar thlakin an hmang ṭhin a, tun ṭuma an hman hi Central Mizo Society of America huaihawt a ni.

Chapchar Kutah hian Geogia, North Carolina, Iowa, Michigan, Texas leh Maryland branch-te leh branch din lohna state hrang hrang aṭangin Mizo ṭhahnem tak an kal khawm a; a ni khatnaah football leh volleyball hmanga inelna buatsaih niin, zanah palai lawma inkhawm leh member thite sunna hun hman a ni. Zan hnihnaah Mizo hnam làm chi hrang hrang, fashion show leh talent show-te entir niin, zaipawl leh mimal eng emaw zat an zai bawk.