Hmasawnna hna thawh dan tur sawiho

Mamit District Plan­ning Committee chu nimin khan an chairman Lalbiaksangi, Mamit DC hoin hoin DC conference hall-ah an ṭhukhawm a; hmasawnna hna thawh dan tur an sawiho. Meeting-ah hian Mamit district-a MLA pahnih - Lalrinmawia Ralte leh Lalrobiaka te pawh an tel.

Meeting-ah hian District Plan­ning Com­mittee mawh­phurhna hrang hrangte an sawiho a; mipui vantlang dinhmun zirchian a, hmasawnna tura ruahmanna siam a, chu'ngte chu state sorkar leh sorkar laipuiahte thlen ni se, an ti.

Ram leilung hausakna hai chhuaka hmasawnna nei tura leilung fate ruahmanna siamsakte chu Committee thil tum a nih thu tarlan a ni bawk.

Ruahmanna an siam dan chuan, Mamit district-a sorkar depart­ment tinte chu district wise leh RD block wise-in dis­trict statistical data buat­saih vek tura tih a ni a; an report chu June 16, 2017 hmaa thehluh vek tur a ni.

District Planning Com­­­mitttee hi 74th. Con­stitutional Amend­ment Act, Article 243ZD beh­chhana din niin, district chhunga hmasawnna hna thawh tur hrang hrangte duang tura din an ni a; sorkar official-te bakah, YMA, MHIP leh MUP aiawhte an tel.