AB-ABC scheme training khâr

State Agricultural Ma­nagement and Extension Training Institute (SAMETI), Mizoram leh National Institute of Agriculture Extension Management (MANAGE), Hyderabad-te'n ni 45 awh, Agri-clinics and Agri-business Centres (AB-ABC) Scheme hnuaia training an buatsaih chu nimin khan khâr a ni a; khârna inkhawm hi Agriculture minister C Lalrinsanga'n a hmanpui.

C Lalrinsanga chuan, "Kan ram hi Bangladesh leh Myanmar-te'n kar­chehin, kan awmna kil hle mahse agriculture hmanga thar chhuahte hmun danga thawn chhuah tumin hmasawn zel kan tum tur a ni," a ti a; India ramah agriculture sector-in bung thar kai a, Digital Agriculture Mission kalpui turin hmachhawp tam tak a awm thu a sawi.