Sport hmasawn dan tur sawiho
Mizoram State Sports Council (MSSC) chuan nimin khan Hawla Indoor Stadium conference hall-ah an chairman Zodintluanga, Sports & Youth Services minister hoin an ṭhukhawm a, infiamna lama hmasawn zel dan tur an sawiho.
Zodintluanga chuan, Mizoram hmun hrang hrangah sport infrastructure siam mek a ni a, khawpui lianah chauh ni loin thingtlang khaw tê zawkah pawh siam a nih thu sawiin, "Sport-a ṭhalaite tuihâlna phuhru turin MSSC-in chak takin hma a la mek a, a thawk chhunzawm zel dawn a ni," a ti a; infiamnaa hmasawnna tura Mizoram sorkar hmalakna hrang hrangte chu sport association-te'n ṭangkai takin an hmang mek tih a sawi.
MSSC secretary C Laltlanthanga chuan kum thum chhunga MSSC hmalakna a sawi a; Mizoram khawpui lian ṭhenkhat khelmuala phûl lem phah a nih thu te, Sihhmuiah Cricket Stadium sak a nih thu te, Kolasib-ah Regional Sports Training Centre siam a nih thu te, Ramhlun Sports Complex-ah boxing hall sak a nih thu te, R Dengthuama Indoor Stadium sak a nih thute leh, Zemabawkah judo hall siam a nih thute a sawi lang.