Ram dang meizial man
Food & Drugs Administration, CID Crime, Legal Metrology, Indian Society on Tobacco and Health (Mizoram Chapter) leh Aizawl District Anti Tobacco Squad-te chuan, nimin khan New Market-ah ram dang meizial leh phal lohna hmuna mei zu eng emaw zat an man.
FDA, CID Crime, Legal Metrology, ISTH leh ATS-te hi World No Tobacco Day pualin nimin khan New Market leh Bawngkawnah squad drive an nei a; COTPA leh vaihlo leh a kaihnawiha dan bawhchhia dapchhuah beihpui an thlak a ni.
Squad drive-ah hian ram dang aṭanga lak luh meizial báwm 354 leh phal lohna hmuna mei zu mi 20 an man a, dan angin pawisa chawitir an ni. Shikhar báwm 1,106 an man bawk.