Lawngtlai DC-in khaw dinhmun enfiah

Lawngtlai DC Dr A Muthamma chuan, May 29-30 chhung khan Lawngtlai district chhung, Chawngte RB Block huam chhunga khaw ṭhenkhat a tlawh a, an dinhmun a enfiah.

Dr A Muthamma hian Longpuighat, Devasora N, Damdep leh Parva khuaa anganwadi centre leh sikul hrang hrang te, tui leh kawlphetha dinhmun te, inkalpawhna kawng leh inbiakpawhna te, zirna leh hriselna dinhmun te, hmasawnna hna thawh hrang hrangte a enfiah a ni.

Lawngtlai DC hian khaw hrang hrangah khawtlang hruaitute a kâwm a, khawtlang hruaitute chuan an khaw mamawh hrang hrangte an lo thlen.

Parva khuaah chuan Dr A Muthamma hi Assam Rifles hotu, Maj. SV Krishnan-a'n a lo dawngsawng a; ramria venhimna hna kalpui dan, harsatna hrang hrang awm thei leh hmalak ṭulnate an sawi dun a ni.