Ruihhlo vangin 59 thi tawh

Kumin chhungin (May 8 thleng) Mizoramah ruihhlo chi hrang hrang vangin mi 26 an thi tawh. Nikum chhung khan ruihhlo vanga thi mi 59 an awm bawk.

Excise & Narcotics department chhinchhiah danin, kumin chhunga ruihhlo vanga thite mipa 23 leh hmeichhia pathum an ni a; an thih chhan tam ber chu heroin niin, mi 12-in an thihpui a, a bak mi 14-te chu ruihhlo chi hrang hrang tih pawlh an ni. Hetih lai hian, kum dang angin kuminah hian proxyvon/parvon spas vanga thi an awm lo.

Kum 1984 aṭangin kumin May 8 thleng khan Mizoramah ruihhlo vangin mi 1,428 an thi tawh a, mipa 1,274 leh hmeichhia 154 an ni. Ruihhlo vanga thite thihpui tam ber chu proxyvon/parvon spas a ni a, mi 1,167-in an thihpui a ni.