Online transaction tih man la ṭan
State Bank of India (SBI) chuan nimin, June 1 aṭang khan SBI Automated Teller Machine (ATM)-a online transaction tih man a la ṭan ta. SBI ATM-a vawi khat transaction tih manah hian cheng 25 zel lak a ni.
Hetih rual hian khawpui (metro)-a chengte tan free transaction hi thla khat-ah vawi 8 a tih theih a, non-metro-a chengte tan online transaction hi pawisa chawi loin vawi 10 a tih theih thung.
SBI chuan mobile application 'SBI Mobile Buddy' hmangtute service charge chu ennawnin, online transaction tih man hi a bithliah thar a ni. Hei bakah hian Savings Banks Deposit Account neitute chuan free transaction ṭum li an ti thei ang a, a bakah chuan pawisa an chawi a ngai tawh.