Mass casual leave chhunzawm

Mizoram Health Multipurpose Service Association (MHMSA) chuan, May 29, 2017 aṭanga chawlh kar khat awh tur mass casual leave an lak mek chu an la chhunzawm zel a, vawiin hi mass casual leave an lak bik tawp ni tur a ni.

MHMSA hian an recruitment rules siam ṭhat phuta lungawi loh an lantirnaah hian, mass casual leave an lakin awmzia a neih loh chuan June 5, Thawh-ṭanni aṭangin tiam chin awm loa chawlh an tum. May 15-19 chhungin badge dum an bel tawh a, May 22-26 chhungin pen down strike an lo nei tawh bawk.