Kudam bula lirthei chetvel dan sawiho

Parliamentary secretary (FCSCA, Transport) TT Zothansanga hoin nimin khan FCI Kudam, Tanhrilah kudam bula truck chevel leh kawngpui sira truck dingin harsatna a thlen dan enfiaha sawiho a ni.

Meeting chuan, lirthei che vel tiziaawm turin FCI kudama buhfai dah leh phur chhuak tur truck-te dahna tur hmun zau zawk ruahman te, kawng zauh dan tur enfiah te, traffic a ziaawm zawk nan police duty dah belh turte leh, chawhma lirthei veivâk tam laia buhfai phur lirtheite’n kawng paltlangte tan harsatna an siam lohna tura hmalakte an rel. Lirthei dahna tur hmun hi vawiinah enfiah a ni ang.

Meeting-ah hian FCSCA, UDPA leh Transport department hotu te, Mizoram University aiawh te, Aizawl Municipal Corporation hotu te, Food Corporation of India hotu te, Tuivamit Local Louncil te, Mizoram Truck Owners’ Association leh Mizoram Truck Drivers’ Association aiawhte an tel a ni.