Cement misitiri training khar

Central YMA-in May 1, 2017 aṭanga Central YMA Hall-a cement mistiri training an buatsaih chu Nilaini khan khâr a ni a, kharna inkhawm hi

Labour Employment & Industrial Training (LEIT) secretary Benja-mina'n a hmanpui.

LEIT Secretary chuan, mahni hnaa rinawmte'n hlawhtlinna an hmu ṭhin tih sawiin, "Mahni kuta mawhphurhna hlen chhuak turin inenkawl ṭhat a pawimawh a, thiam bik nei tan lo chuan hna hmuh a harsat tawh a ni," a ti.

CYMA president Lal-biakzuala pawhin thu sawiin, "YMA kumpuan, ram leh hnam humhalh leh mistiri training hi thil inhmeh tak a ni a, kumpuan tihhlawhtlinna atana hmanraw pawimawh a ni," a ti a; training chhuakte chu an thiamna tipung zel tur leh, chhawr tlaka intuai hriam zel turin a chah.

Training-ah hian mi 44 an inziak lut a, an zinga 42-in training an zo. Training chhuakte hi mistiri hmanrua, cement suahna (karandi), tuboh, sahal, measuring tape leh level pipe pek an ni.