Minister-in sikul sak mek a enfiah

School Education minister H Ro-hluna chuan, Nilaini khan Chhawrtui khuaa SSA sikul leh Vanchengpui khuaa RMSA sikul sak mekte a tlawh a, hna thawh dan a enfiah.

H Rohluna hian sikulin a mamawh inthiarna, zun-in, tuihâwk luankawr, sikul panna kawng, zirtirtute chenna (staff quarters) chungchang chu sorkar official leh zirtirtute a sawipui a; hna thawktute chu sikul an sak lai mek a hun taka zo turin a hriattir.

Chhawrtui khuaa SSA sikul sak mek hi SSA sum leh Bialtu MLA fund aṭanga sak a ni a, Vanchengpui RMSA sikul chu RMSA fund aṭanga sak a ni thung.

School Education Minister hi RMSA deputy SPD VL Malsawma, Khawzawl SDEO C Lalthanzira leh Champhai SSA DPC Lalsiamliani ten an ṭawiawm a ni.