In sak ṭanpuina chungchang sawiho

Champhai District Screening Committee on Pradhan Mantri Awas Yojana (Housing for All) chu nimin khan DC conference hall-ah additional DC CC Lalchhuangkima hoin an ṭhukhawm a, in sak ṭanpuina sem chung-chang an ngaihtuah.

Meeting-ah, kumin kum tìr lama in sak ṭanpuina a thlawna dawn tur chi (Beneficiary Led Construction) hawn tawh, Champhai district-a khaw pali - Champhai, Khawzawl, Khawhai leh Biate aṭanga diltu mi 3,106 zinga 2,125 chu an pawm a; mi 981-te dilna chu an hnawl thung.

Scheme-in a phût Aadhar card (neih a ngai), chhungkaw dinhmun pangngai tak, in sa mekte (in nei lo tana duan a ni), thla khata Rs. 25,000 aia tam la lutte chu dilna pawm loh chhan langsarte a ni.

In sak ṭanpuina diltute hi UDPA department-a thawkte'n a hmunah kalin an enfiah a, an endik aṭanga ṭanpuina hmu thei tura an thlante chu Committee chuan a pawmpui a ni.

Kum hmasa lama an hmalak tawhnate pawh meeting-ah hian an thlir-let a; scheme tihhlawh-tlinna atana harsatna hrang hrang awmte chu chinfel dan zawn ni se an ti. Department hrang hrang te, bank-te leh khawtlang hruaitute'n ṭha zawka thawhho dan ngaituah ni se, an ti bawk.