Zosap missionary a thi

Zosap missionary-te zinga mi, Joan Lloyd (94) w/o Rev. JM Lloyd chu June 1, 2017 chawhma dar 10:40 khan Glen Devon Residential Home, Rhyl, Wales-ah a thi a, amah hi Alzheimer natna hun rei tak tuar tawh a ni. A vui hun tur hi sawi theih a la ni lo a, Prestatyn Kohhran thlànmuala a pasal JM Lloyd-a thlânah phûm a ni ang.

Joan Lloyd-i te nupa hi December 16, 1944-ah Mizoramah an rawn thleng a, August 1964-ah Mizoram an chhuahsan leh. Pi Lloyd-i hi typing thiam a ni a, Mizo eng emaw zat typing a zirtir ṭhin. An nupa hian Mizo hming phuahsak an ni lo a, mahse, an fate chuan Mizo hming an pu vek a ni.