Special Drive hlawhtlin dan tur sawiho

Election Commission of India thupek anga kum 18-21 inkar, India khua leh tui-te electoral roll-a thun rûnpui neih tura hmalakna 'Special Drive' hlawhtlinna tur ngaihtuahin, Mamit additional DC H Lianzela hoin nimin khan political party leh tlawmngai pawl hruaitute an inkâwm.

Meeting-ah hian Mamit-a Election officer MH James chuan, Special Drive kalpui dan tur a sawifiah a, AERO Lalzikpuii'n Form-6 hmanga electoral roll-a inziah luh dan leh Form-7 hmanga roll aṭanga inpaih dan a sawifiah.

Mamit district-ah hian Special Drive hlawhtlinna tura inbuatsaihna atan District Election Officer ruahmannain June thla chhung hian inbuatsaihna hrang hrang neih a ni ang.