NEDP-in change a thlentir lo ang - MPC

MPC party chuan thuchhuah siamin, "NLUP pawh hlawhtlinpui zo lo Congress sorkar hian engti kawng mahin NEDP hmang hian kan ramah change an thlen ngai lo ang tih hi Zoram mipui hriatah kan puang lâwk a ni," an ti.

MPC chuan, May 31, 2017-a Planning department- in MJA member-te puala New Economic Development Policy (NEDP) chungchang zirhona an buatsaihah Planning minister Lalsawta'n, NEDP hmang-a Mizoramah change thlentir an tum thu a sawi chu mipuite bum tumnaa an ngaih thu an sawi.

MPC chuan, tun hnaiah Comptroller and Auditor General (GAC) report-in NLUP-a thil kalpui danah, NLUP Manual-in a phût anga kalpui a nih loh thu te, sorkar laipui aṭanga Aditional Central AssistantSTAM-in phnuaia NLUP sum cheng vaibelchhe tam tak mumal lo taka hman a nih chungchangte tarlan a nih thu an sawi a, "Congress sorkarin an flagship programme an hlawhtlinpui lohzia a tarlang chiang hle," an ti a ni.