Housing for All zirhona buatsaih

UDPA department leh National Housing Bank (NHB) ṭangkawp chuan, nimin khan Aijal Club-ah Pradhan Mantri Awas Yojana - Housing for All (Urban) scheme inhrilhfiahna leh zirhona, 'One Day Workshop on CLSS (EWS/LIG) and CLSS (MIG) under PMAY – HFA (Urban) 2022 Mission' an buatsaih a, UDPA minister Zodintluanga'n a hmanpui.

Zodintluanga chuan, Mizorama census town khaw 23-ah hmalakna ṭhuang hniha kalpui a nih thu sawiin, "In sak ṭanpuina - Beneficiary led Individual House Construction leh in sakna tur loan - Credit Linked Subsidy Scheme (CLSS)-te an ni," a ti.

UDPA Minister chuan, Ministry of Housing and Urban Poverty Alleviation-in CLSS chu a siam danglam tih sawiin, "CLSS for Middle Income Group (MIG I & II) a rawn ruahman thar a ni," a ti a; CLSS housing loan dilna chu EWS/LIG/MIG-I leh MIG-II te tan June 1-16, 2017 chhungin census town 23-ah hawn leh tura ruahman a nih thu a sawi.

Workshop-ah hian NHB deputy general manager leh regional representative Niladri Bose chuan PMAY – Housing for All (Urban) an sawifiah a ni.