MNF-ah páwl páwl a awm lo - MNF Vice President

MNF vice president Lalthengliana chuan nimin khan Mizo Hnam Rûna inkhawmah thu sawiin, MNF party-ah páwl páwl tih leh line-up a awm loh thu a sawi.

Lalthlengliana chuan, MNF hotu lawkte zingah line-up awm ang leh tute páwl emaw awm anga an sawi ṭhin chu phuahchawp niin a sawi a, "A phuahchawptute ngei pawhin a dik lohzia an hria. MNF-ah chuan páwl páwl leh line-up tih vel a awm ve lo a, Pu Zoramthanga kaihhruaina hnuaiah lungrual takin kan kal a, kan kal zel dawn. Dâwta min sawi ṭhintute avang hian kan chhiat phah dawn lo," a ti.

Mizorama political party zingah MNF chu diamond jubilee lawm thei awm chhun an nih thu sawiin Lalthleng­liana chuan, "CM Pu Zoramthanga'n nun­na thàpin fing tak leh huaisen takin min hruai a, Zoram hma­sawnna chhiar sên loh min thlensak a ni," a ti a; Zoramthanga chu hruaitu ropui tak a nih thu a sawi.