Sum harsatna awlsam takin kan siamṭha thiam - PC Sr V/P

PC party chuan nimin khan an pisaah office bearer meeting an nei a, senior vice president Vanlalruata chuan thu sawiin, Mizoram sum harsatna chu awlsam takin an siamṭha thiam niin a sawi.

Vanlalruata chuan, Mizoram sum harsatnain mipui a timangang hle nia sawiin, "Mizoram sum harsatna hi mahni neih theih leh thawh chhuah theih ngaihtuah miah loa nuam chên zawng leh duhsak zawngte chàwi chhuah tuma sorkara thuneitu mi tlemtêin hma an làk vang a ni. He harsatna hi awlsam têa siamṭhat theih a ni a, Chief Minister, Finance Minister ni bawk hian a duha a ngam a nih chuan a siamṭhat theih loh chhan tur a awm lo," a ti.