LEIKHI VANGIN CHHUAK

Tun hnaia ruahsûr avangin Republic Venga Kela Road chungah lei a khî a, in ṭhenkhat chu ṭhiah a ngai dawn nia hriat a ni. Republic Veng YMA hruaitute hnen aṭanga thu dawn danin, in (building) pakuaa chhungkaw 17 chu an inthiar chhuak a, mi 69 chênna a ni. In pariata chhungkaw 19-te chu inthiar chhuak loin hmun dangah an riak chhuak rih bawk a, mi 77 chenna a ni. Inthiar chhuak leh riak chhuak zawng zawng chu in 17-a chhungkaw 36 an ni a, mihring cheng zat chu 146 an ni. Inthiar chhuak zinga ṭhenkhat chu Republic Veng community hall leh Local Council House-ah awmtir an ni a, ṭhenkhat chuan an chhungte an bèl thung.