Thla 16 chhungin squad drive vawi 405
Mizoram district hrang hranga Anti Tobacco Squad-te chuan, January 2016 aṭanga kumin April, thla 16 chhung khan squad drive vawi 405 an nei. Vaihlo khuahkhirhna dan bawhchhia mi eng emaw zat leh vaihlo aṭanga siam thil tam tham tak an man.
Mizoram State Tobacco Control Society (MSTCS) hotute hnen aṭanga thu dawn danin, ATS-te hian squad drive vawi 405 an neihah hian COTPA Section 4 bawhchhiaa phal lohna hmuna mei zu mi 1,115 an man a; COTPA Section 6, dawrkai poster tàr tur leh school board tàr tur tár lo mi 42 an man.
Legal Metrology-te nena joint operation an neihnaah May 3, 2016 aṭanga May 18, 2017 chhungin ram dang siam meizial báwm 1,57,137 an man bawk.
May 2017 thla kha Anti Tobacco Month-ah puan a ni a, chumi chhung chuan district hrang hrangah ṭum 41 dan bawhchhia an vai a; ram dang siam meizial báwm 10,370 leh meizial tlâwn 21 an man.
May 2017 chhung vek khan gutkha pack 8,856, churut tlâwn 138 an man a; COTPA Section 4 hnuaiah mi 23 leh COTPA Section 6(a) hnuaiah mi 18 an man bawk a ni.